Wat ass e “Sënner”? – Guttnoriicht.lu

Kapitel 3

Wat ass e “Sënner”?

“Ech sinn als Gesetzesbriecher an d’Welt gebuer ginn, a sinn dowéinst vu Gott getrennt. Ech si wäit vu perfekt. Gott säi Gesetz seet, datt all Sënn d’Doudesstrof verlaangt. Ech stierwen net nëmme kierperlech, mä erliewen och eppes wat d’Bibel den zweeten Doud – eng Éiwegkeet vu Leiden am Feierséi - nennt. Well ech ee Sënner sinn, ass et mir onméiglech den Doud ze vermeiden. Ech sinn hëlleflos.”

- zitéiert vum John Cross, And Beginning With Moses, p. 24 -

Wat ass d’Sënn?

Gott ass Helleg an huet d’Welt erschaf. D'Bibel presentéiert den Ufank vun der mënschlecher Geschicht als Fakt, net als iergend eng poetesch Fantasie

Et ginn 3 Aarte vu Sënnen déi Gottes Gesetz definéiert:

1. Doten

2. Astellungen

3. Natur

Niewent ville Beschreiwunge wat Sënn bedeit steet am neien Testament: “Sënn ass Gesetzlosegkeet" 1. Bréif vum Jean 3,4. Aner Termen sin Gottlosegkeet, Ignoranz, Schold, Hypokrisie oder Onrengheet.

Konsequenzen vun der Sënn

Den éischte Mënsch Adam an seng Fra Eva hu Gottes Gesetz gebrach net vun der Fruucht vum Bam vun der Wäisheet z’iessen. Well den Adam dëst awer net respektéiert huet huet hie missen d’Konsequenze vu senger Sënn droen.

Den Adam, d’Eva an hir Nokomme géifen all iergendwann s stierwen;
Den Adam, d’Eva an hir Nokomme géifen all mat enger geeschtlecher Trennung vu Gott gebuer ginn;
D’Schlaang wäert ënnert dem Tallong vun engem Nokomme vun der Fra zerquëtscht ginn;
D’Fra géif méi Péng an de Wéie kréien;
Den Adam, d’Eva an hier Nokomme géifen alleguer Konflikt an hire Bezéiungen erliewen;
De Mann wäert erausfannen, datt d’Natur géint e schafft wann hie sech dru gëtt fir sech z’ernähen.
Wann de Problem vun der Sënn net geléist gëtt, dann däerfe mir ni an d’helleg Géigewaart vu Gott a mir erliewe fir ëmmer d’gerecht Strof vun der Sënn.

Gott gehéiert alles an hien huet d’Gesetzer geschaf. Aus deem Grond si mir Mënsche responsabel déi Gesetzer anzehalen. D'Sënn ass wann ee verseet entweder duerch Dot, Astellung, oder Natur sech u Gott seng moralesch Gesetzer ze halen.

Wien as e Sënner?

Well mir vun eiser Natur aus sënnegen, hu mir zwee Problemer, déi mir net iwwerwältege kënnen a Bezuch zu eiser Positioun viru Gott.

Mir sënnegen emmer géint ee klore, perfekte Moossstaf.
Eis Sënn ass eng Rebellioun géint Gott an eng Iwwertriedung vun senge Moossstäf.
Eis Sënn ka vill Formen unhuelen, muncher manner offensichtlech béis an eisem Denke wéi anerer.
Mir sinn all fir eis sënneg Dote verantwortlech.

Stellt iech fir dir hutt dës Positioun op ärer Bank...

Eng Schold – mir hu géint hie gesënnegt an dat mécht, datt mir Feinde vu Gott sinn.
Den Aarmut – mir hunn näischt Guddes an eis, dat ons würdeg ka maache fir mat him zesummen ze liewen.

Et ass eng Schold, déi mir net zeréck bezuele kënnen. An eisen Aarmut ass esou grouss, dat mir déi Schold net duerch schwéier schaffen ofbezuele kënnen. D'Bibel schwätzt vun engem Scholdschäin: “Hien huet d Scholdschäin géint eis geläscht, deem seng Fuerderunge géint eis waren..." Kolosser 2,14 (BFL)

“Et gëtt nämlech kee Mënsch virun him gerechtgesprach, just well hien d’Gesetz anhält. Duerch d’Gesetz kënnt nämlech d’Erkenntnes vun der Sënn.” Réimer 3,20 (BFL)

D’Bibel léiert, datt mir hëlleflos sinn. Mir kënnen eis Positioun viru Gott duerch eis eegen Efforten net änneren. D’Bibel gebraucht déi folgend Wierder fir eis ze weise wéi wäit mir vu Gott ewech sinn:

- Feinden
- Friem
- ënnert Gott sengem Geriicht

Sënner an deem Zoustand brauchen:

Verzeiung
Verséinung
- Baarmhärzegkeet
- Ee Vermëttler, een Affekot

Wéi kann een hellege Gott, deen d’Sënn onendlech haasst, hëlleflosen, schëllege Sënner verzeien?

Wéi kann hien d’Sënner, ouni säin hellege Standard z’annuléieren, retten?

Daat alles fanne mer am Jesus Christus.