De Jesus Christus

De Jesus Christus

De Mann, seng Missioun, a säi Message

Keen Zweifel, de Jesus huet d’Welt verännert an huet Millioune vu Liewen vun der Welt ewech zu Gott gedréit. Hien ass déi Fundermental Léier vum Chrëschtleche Glawen and dee Kontroveseste Personnage vum 21. Joerhonnert.

A sengem Numm gouf de Fridde gepriedegt a leider och Krich gefouert. A sengem Numm goufe leit verféiert a manipuléiert an a sengem Numm hu Leit fräiheet vun Oppressive Regimer fonnt.

Mee wien ass de Jesus wierklech? Kenne mir dem Message an der Bibel vertrauen? Firwat ass hien un d’Kräiz gaangen? A wat ass säi Message?

Mee wien ass de Jesus wierklech? Kenne mir dem Message an der Bibel vertrauen? Firwat ass hien un d’Kräiz gaangen? A wat ass säi Message?

De Mann 

Wéi kënne mir wëssen datt de Jesus gelieft huet?

Biografien

de Mattias: “Dat hei ass de Stammbam vum Jesus, dem Messias, dem Jong vum David, dem Jong vum Abraham.” (Mattias 1,1 BfL)

de Marc: “Dat hei ass den Ufank vun der gudder Noriicht vum Jesus, dem Messias, dem Jong vu Gott.” (Marc 1,1 BfL)

de Luc: “Esëlleche Leit hu scho probéiert, fir e Rapport vun den Evenementer, déi ënnert eis erfëllt goufen, opzesetzen, esou wéi déi, déi vun Ufank un Aeenzeien an Dénger vum Wuert waren, se eis iwwerliwwert hunn. Och ech hunn et fir gutt gehalen, dat alles fir dech, veréierten Theophilos, der Rei no opzeschreiwen, nodeems ech mech ganz exakt iwwert alles vun Ufank un informéiert hunn. Esou kanns du dech iwwert d’Zouverlässegkeet vun allem wat s du geléiert krus, vergewësseren.” (Luc 1,1-4 BfL)

de Jean: “De Jesus huet nach vill aner Zeeche viru senge Jénger gemaach, déi net an dësem Buch opgeschriwwe sinn. Mee déi hei sinn opgeschriwwe ginn, fir datt dir gleeft, datt de Jesus de Messias ass, de Jong vu Gott, an datt dir, well dir gleeft, duerch säin Numm Liewen hutt.” (Jean 20,30-31 BfL)

Wéi erkläre mir d’Ënnerscheeder an deene Berichter?

Wann ee 4 Schrëftsteller huet huet een automatesch 4 Perspektiven. Zum Beispill kann deng Biographie vun dengem Jong, dengem Aarbechtskolleg oder dengen Eltere geschriwwe ginn. All Biographie wäert en anere Bléckwénkel op däi Liewen hunn. Dat heescht awer net datt E¨nnerscheeder an de Biographien vun deene verschiddene Leit Widderspréch sinn, mee se si komplementär.

Kënne mir dem Neien Testament vertrauen?

Et ass eng wichteg fro déi jiddereen sech muss stellen deen säi Liewen wëll op Fakten a Wouregt opbauen. Mam Neien Testament si mer an erstaunlech gudden hänn. Mir hunn esouwuel eng kulturell wéi och textuell, intern an extern Beweiser déi eis eng grouss Zouversiicht ginn datt mir dat wat mer an der Bibel liesen och effektiv dat ass wat d’Apostelen deemols héieren, geschriwwen an déi éischt Chrëschte gelies hu.

Wéi exakt waren d’mëndlech Iwwerdroungen?

K​D’Juddentum am éischten Joerhonnert war nach ëmmer eng mëndlech Gesellschaft a Kultur. Vereenzelt Rabbiner konnten dat Alt Testament ganz auswenneg. Dorënner war och den Apostel Paulus. D'Apostelen an déi éischt Chrëschte ware Judden. Vir si wär et kee Problem gewiescht dem Jesus seng Léier exakt weiderzeginn an duerno opzeschreiwen.

​Wéi sëcher kënne mer sinn datt den Text net gefälscht oder verluer gangen ass?

​Duerch d'Quantitéit vun den Manuscripten 

​Auteur

​Wéini Geschriwwen

​Eelst Kopien

​Zäitraum

​Unzuel vu Kopien

Cesar

100-44 v.Chr.

900 n. Chr.

​1000 Joer

​10

Herodotus

480-425 v.Chr.

900 n. Chr.

​1300 Joer

​8

Plato

427-347 v.Chr.

900 n. Chr.

​1200 Joer

​7

Aristotle

​384-322 v. Chr.

​1100 n. Chr.

​1400 Joer

​5

Neit Testament

50-90 n. Chr.

​125 n. Chr.

​35 - 75 Joer

​5000+

​Vir d’Néit Testament ginn et méi wéi 5000 griechesch Manuskripter, woubäi dat fréiste Fragment vum Jean aus dem Joer 125 no Christus ass. D'Historiker sinn sech haut zum gréissten Deel eeneg datt op mannst 95% vun den Texter déi d’Jénger aus dem éischten an zweete Joerhonnert haten kënne mat grousser Sëcherheet rekonstruéiert ginn.

D’Historiker diskutéieren zwar iwwert déi Fréi Datéierung déi mir Iech hei presentéieren, allerdéngs hu mir souwuel Intern ewéi och extern Beweiser fir eis op déi Datumen anzeloossen.

​Duerch de Fréien Datum

​Datéierung zu de Biografien iwwer Jesus

Gutt Noriicht nom ​Mattias:  50 - 60 n. Chr.

Gutt Noriicht nom Marc:  50 n. Chr.

Gutt Noriicht nom Luc:  60 n. Chr.

Gutt Noriicht nom ​Jean: 90 n. Chr.

  • Wat d’Berichter méi no un den Zäitpunkt vun den Evenementer laien, wat si méi exakt sinn.
  • ​Aenzeie kënnen d’Berichter bestätegen oder widderleeën.
  • ​D’Texter gewannen u credibilitéit, well eng Ligen iwwer de Jesus schnell widderluecht ka ginn.
  • ​​Dat stëmmt emsou méi fir déi 4 Evangelien, well d’Schrëftgeléierten vun de Judden dem Jesus seng Jénger verfollegt hunn.

“​Mir kënnen dës Quelle net ignoréieren. Seng Biographien am Neien Testament si Vertrauenswürdeg a wuertwiertlech unzehuelen."

​Aus der Bibel eraus kënne mer folgendes novollzéien

  1. 1
    ​De Mattias, Marc, a Luc soen Zerstéierung vum Jüddeschen Tempel viraus. Mee kee vun deene Dräi erwäänt d’Erfëllung vun dëser Prophezeiung. D’Réimer zerstéieren den Tempel 70 n. Chr..
  2. 2
    ​An der Apostelgeschicht, Kapitel 28 ass De Paul zu Roum um Liewen. De Luc erwäent weder den Doud vum Péitrus nach vum Paul.
  3. 3
    ​Dem Paul seng Bréiwer goufen zwëschen 48-60 n. Chr. geschriwwen.
  4. 4
    ​Den 1. Korintherbréif ass dat mannst ëmstriddenst Dokument vun der Bibel a gouf vum Paul geschriwwen.
  5. 5
    ​De Paul zitéiert de Luc 10,7 am 1. Bréif un den Timothée 5,18 (BfL): “Den Aarbechter ass säi Loun wäert.”

​Ausserhalb der Bibel kënne mer op Papyri a Bréiwer vun Leeder vun de chrëschtleche Gemeinschaften zeréckgräifen

P. Chester Beatty I, (P45) folio 13-14 Fragment vum ‘de Luc’ (250 n. Chr.)

Bodmer Papyri  P66 (200 n. Chr.) bal komplette Kodex vum ‘de Jean’.

Rylands Papyri P52 de Jean 18,31-33 (125-175 AD).

​Leeder vun de Chrëschtleche Gemeinschaften (z. B.)

​Clement vu Roum

95 n. Chr.

​Ingatius, Bëschof vun Antiochia

​115 n. Chr.

​Polycarp, Bëschof vu Smyrna

​120 n. Chr.

​Ginn et aner Quellen déi net aus der Bibel sinn?

Tacitus

Historiker vum réimësche Räich  (c. 56 - 120 n. Chr.)​

Pliny de Jonken

Riichter am Réimesche Räich  (c. 61 - 113 n. Chr)​

Jospehus​

​Jüddeschen Historiker  (c. 37 - 100 n. Chr.)

​Babyloneschen Talmud

​Jüddesch Mëndléch Traditioun  (c. 200 - 500 n. Chr)

Lucian vu Samosata​

​Satirist a Rhetoriker  (c. 125 - 180 n. Chr.)

Wa mir de Jesus richteg kenneléiere wëllen kënne mir eis net op heiere soe verloossen. Mir hunn elo eng iwwersiicht vun dem Mënsch Jesus an iwwer d'Texter déi vun Him schwetzen diskutéiert. Mir kënnen dës Quelle net ignoréieren. Seng Biographien am Neien Testament si Vertrauenswürdeg a wuertwiertlech unzehuelen. Esou kënne mir deen eenzegaatege Jesus, de Messias, kenneléieren.

​De Messias

​​De Jesus gouf net an e Vacuum gebuer. Déi ganz jüddesch Gesellschaft huet ënnert der Herrschaft vum réimesche Räich gelidden an huet seenlechst op d’Kinnékräich vu Gott gewaart. Vill couragéis Männer hu sech als de Messias ausginn a si gestuerwen ouni déi ersehnten Erfëllung vun de Prophezéiunge mat sech ze bréngen.


Mam Jesus sollt sech alles änneren an dach gouf et laang Onsëcherheet bis hie vun den Doudegen operstanen an honnerte vu Prophezeiunge mat sengem Liewen, Dout a senger Operstéiung erfëllt huet a versprach huet erëm ze kommen.

  • De Jesus staamt vun der kinneklecher Famill of: “Dat hei ass de Stammbam vum Jesus, dem Messias, dem Jong vum David, dem Jong vum Abraham...” (Mt. 1,1 (BfL); Yer 23,5-6)
  • ​De Jesus gouf zu Betlehem gebuer. “ ‘Zu Betlehem a Judea’, hu si him geäntwert. ‘Esou gouf et nämlech duerch de Prophéit geschriwwen: ‘Du Betlehem am Land Juda bass op kee Fall déi onwichtegst Stad ënner den Herrscher aus Juda. Aus dir geet nämlech en Herrscher ervir, dee mö Vollek Israel hitt’ “ (Mt. 2,5-6 (BfL); Mi 5,1)
  • ​De Jesus gouf vun enger Jongfra op d’Welt bruecht.  “All dat ass geschitt, fir datt dat, wat den Här duerch de Prophéit gesot hat, sech erfëlle géif: ‘Kuck! D’Jongfra gëtt schwanger a bréngt e Jong op d’Welt. Hie gëtt Immanuel gennant.’ Iwwersaat heescht dat: ‘Gott ass mat eis.’ ” (Mat. 1,20-23 (BfL); Yes. 7,14)
  • ​De Jesus huet Wonner gewierkt. “De Jesus huet hinne geäntwert: ‘Gitt bei de Jean a verzielt him vun deem, wat dir gesinn an héieren hutt: Déi blann gesinn, déi Schlamm ginn, déi Aussätzeg (Leprakrank) gi gerengegt, déi Daf héieren, déi Doudeg ginn nees lieweg an déi Aarm kréien d’gutt Noriicht gepriedegt’.” (Luc 7,20-23 (BfL); Yes. 35,5-6)
  • ​De Jesus gouf vu seng eege Leit verworf. “De Jesus sot zu hinnen: ‘Huet dir ni an der Schrëft gelies: ‘De Steen, deen d’Steemetzer verworf hunn, ass zum Eckstee ginn. Dat huet den Här gemaach an et ass wonnerbar an eisen Aen’?” (Mt. 21,42 (BfL); Psalm 118,22-23)
  • ​De Jesus huet mat a vir d’Sënner gelidden. “Et goufen och zwee anerer mam Jesus erausgeféiert, fir higeriicht ze ginn. Allenzwee ware si Brigangen. Wéi si op d’Plaz koumen, déi “Doudekapp” genannt gëtt, hu si de Jesus zesumme mat de Brigange gekraïzegt, een op senger rietser an een op senger lénker Säit.” (Luc 23,32-33 (BfL); Yes. 53,12
  • ​De Jesus ass vun den Doudegen operstanen. “ ‘Erféiert net!’, sot hien zu hinnen, ‘Dir sicht de Jesus, de Nazarener, dee gekräizegt gouf. Hien ass operstanen…’ “ (Marc 16,9-19 (BfL); Psalm 16,10)

​De Message

​De Message vu Gott ass kloer an der Bibel erëmzefannen. De Jesus rifft eis zou: Bekéiert Iech zu Gott!

  • “Kommt bei mech, all dir, déi dir iech plot a schwéier Laaschten drot! Ech ginn iech Rou. Huelt mäi Jach op iech a léiert vu mir, well ech vun Häerzen duuss an damiddeg sinn. Da fannt dir Rou fir är Séilen. Mäi Jach ass nämlech einfach ze droen a meng Laascht ass liicht ze zéien.” Mattias 11:28-30 (BfL)​
  • ​“Ech hunn iech nämlech un éischter Plaz dat weiderginn, wat ech empfaangen hunn: Christus ass laut der Schrëft fir eis Sënne gestuerwen, hie gouf begruewen a laut der Schrëft um drëtten Dag vun den Doudegen operwächt. Duerno gouf hie vum Kefas gesinn an du vun deenen Zwielef. Hie gouf duerno vu méi wéi fënnefhonnert Geschwëster zugläich gesinn. Vun deene liewen déi meescht nach, mee verschiddener si scho gestuerwen. Du gouf hie vum Jacques gesinn an duerno vun all den Apostelen. Fir d’allerlescht ass hi mir erschéngen, esou wéi engem, deen ze spéit gebuer gouf.” 1. Korinther 15,3-8 (BfL)
  • "De Jesus huet nach vill aner Zeeche viru senge Jénger gemaach, déi net an dësem Buch opgeeschriwwe sinn. Mee déi hei sinn opgeschriwwe ginn, fir datt dir gleeft, datt de Jesus de Messias ass, de Jong vu Gott, an datt dir, well dir gleeft, duerch säin Numm Liewen hutt.” Jean 20,30-31 (BfL)

​“De Jesus huet him geäntwert: Ech sinn de Wee an d’Wourecht an d’Liewen. Kee kënnt bei de Papp, et sief dann duerch mech. Wann dir mech kannt hätt, dann hätt dir och mäi Papp kannt. Vun elo u kennt dir de Papp an dir hutt hie gesin. (...) Gleeft mir, datt ech am Papp sinn an de Papp a mir! (…).”

Jean 14:6-7, 11 (BfL)

D’Bibelzitater aus dem Neien Testament op Lëtzebuergesch si vu „Bibel Fir Lëtzebuerg“, Copyright © 2017 by Bibles International®, USA. Mat Erlaabnis gebraucht. All Rechter virbehalen.

Bibeltexter vum Alen Testament sin aus der Schlachter 2000 Copyright © 2000 Genfer Bibelgesellschaft. Mat Erlaabnis gebraucht. All Rechter virbehalen.